Быдӟым куала
Быдӟым куала сылэ гуртлэн шораз ик, со котыртэмын вылэм азьло кенерен. Вӧсясько вылэм татын Воршудлы, Инмарлы, Инмар-Кылчинлы котькуд юонлы быдэ: Сӥзьыл юонэ, Вӧй юонэ, Быдӟым нуналэ, Гершыд юонэ, Петров нуналэ. Татын вӧсяськон вакытэ Быдӟым куала бӧлякысь одӥгез бадӟымез но тодӥсез воргорон тӧр луыса пуке вылэм. Крезьчи Быдӟым куала гур шудэ, Быдӟым куала бӧлякысь куинь адями вӧсяське, соос куро Инмарлэсь ӟечлык, шуныт но небыт зор, удалтэм ю-нянь.
Огине карыса, выль кенъёс сӥзиськыса, нуо вылэм бамкышет, куро семья кусыпазы ӟеч улон, таза нылпиос. Со сяна, вань бадӟым ужзэс кутско вылэм татын сӥзиськыса: кылсярысь, веме, выль юрт инты ӵогон, яна потон. Озьы ик висён-черлэсь йӧнатӥськон понна сӥзиськон ортчытъяллям.
Быдӟым куалае, сьӧразы куинь пичи нянь но вӧй яке чечьы басьтыса – ваньзэ тае кертто тӧдьы пышлэсь куэм дэрае. Нянь турыжез вӧйен яке чечыен зырыса но Быдӟым куала пушкын вӧсяса, потто кыре, калыклы сиыны. Соку ик пӧзьто ӝук (лым) ыж сӥлен, сое но вӧсяло. Озьы ик ӝукез но нянез вӧсяло вылэм куинь вӧсясьёс куала пушкын. Вӧсяськон вакытэ вӧсясьёслэн кузпалъёссы но нылпиоссы соосын ӵош ик куала пушкын но вӧсяськиллям, нош пукиллям мукет ӝӧк сьӧрын. Кылемез гурт калык вӧсяськем куалаез котыртэм пушказ.
А. Барыкин режисёрлэн Варклад-Бодьяысь куд-ог гурт сям-йылолъсын фильмез
