Быдӟым куала - Варклед-Бодья гуртын тужгес но сӥлы карымон но гажано инты.
Гершыд вӧсяськон - тулыс гырон-кизён ужъёс бырем бере вӧсяськон. Варклед-Бодья гуртын та сям-йылолэ пыре "кунян кенерын" вӧсяськон.
Ю-вӧсь - Гершыд обрядовой циклэ пырись нырысетӥез вӧсяськон. Татын Инмарлэсь но Му-Кылчинлэсь куро, ю-нянь умой но ӟеч мед будоз шуыса.
Акашка - тулыс гырон-кизёнэн герӟаськем бусы ужъёсты йылпумъянэн герӟаськем сям-йылолл. Варклед-Бодья гуртын та нуналэ пусъё нылъёслэсь быдэ вуэмзэс но Быдӟым нуналэз.
Эру карон – пиослэсь быдэ вуонзэс пусъён сям-йылол, кудӥз герӟаськемын гендерной аспектэн, ортче со Быдӟым нунал азьысь покчиарня нуналэ.
Куяськон - сопал дуннеысь ӵыжы-выжыосыз буре ваён, соослы ӟеч улон сӥзён но тапал дуннелы умойзэ курон.
Вöсяськон арама. Удмурт гуртлэн одӥгез сакральной интыез. Адӟымтэез но мурт/тодмотэм шуэмез возьматӥсь символ, озьы ик кышкытлыкез возьматӥсь инты.
