Гурт сярысь
Котькуд гуртлэн, карлэн, шаерлэн вань аслаз историез. Варклед-Бодья гуртлэн кылдэмез сярысь нокыӵе ужъёсын гожтымын ӧвӧл ке но, калык йырсазьын со дауркыл формаен кылемын.
Варклед-Бодья гурт интыяськемын Татарстанысь Агрыз ёросын. Калык верамъя, XVIII даурлэн пумаз – 1775 аре – Пичи Пурга гурт калыкез черке пыртон вакытэ, отысь пегӟыны малпаллям Бодья воршуд выжыысь куинь вынъёс но соослэн ляльчизы. Потӥллям утчаны асьсэлы гурт кылдытон инты. Вуиллям одӥг интые, малпаллям ӵогыны писпу, нош со куинь люкетлы чигиськем – калык верамъя, та умойлы ӧвӧл. Кошкиллям мукет интые, туж, пе, чебер инты, малпаллям татчы интыяськыны. Соку шур кузя кошкись выль пу шелепез адӟиллям – озьыен, кыдёкын ӧвӧл кин ке татын интыяськемын ини. Куинетӥ интые вуэм беразы, валаллям, татын луоз гурт кылдытон интызы шуыса: котыр нюлэс, нош со пыр пичи Варклед шур бызе (шурлэсь нимзэ, пе, бускель гуртысь бигеръёслэсь тодӥллям). Озьыен, Бодья воршуд нимез но шур нимез огазеяса, сётиллям гуртсылы ним – Варклед-Бодья. Пусйыны кулэ, гурт калык туннэ дырозь быгатӥз утьыны вашкала сям-йылолъёссэ но вашкала осконзэ.
Туннэ нуналэ Варклед-Бодья гурт сярысь таӵе информация сётыны луоз: гурт пыре Татарстанысь Агрызсь ёросысь Кучук сельской поселение. Лыдъяське 92 юртъер но 350 пала улӥсь, ваньмыз ик удмуртъёс. Гурт каклык ужа пудо-живот вордон-утялтон, дышетон но лулчеберет удысъёсын, муш вордо. Гуртын вань нылпи сад, покчиёзо школа, лулчебертъя юрт, лыдӟиськонни но фельдшерско-акушерской пункт.
Варклед-Бодья гурт интыяськемын Татарстанысь Агрыз ёросын. Калык верамъя, XVIII даурлэн пумаз – 1775 аре – Пичи Пурга гурт калыкез черке пыртон вакытэ, отысь пегӟыны малпаллям Бодья воршуд выжыысь куинь вынъёс но соослэн ляльчизы. Потӥллям утчаны асьсэлы гурт кылдытон инты. Вуиллям одӥг интые, малпаллям ӵогыны писпу, нош со куинь люкетлы чигиськем – калык верамъя, та умойлы ӧвӧл. Кошкиллям мукет интые, туж, пе, чебер инты, малпаллям татчы интыяськыны. Соку шур кузя кошкись выль пу шелепез адӟиллям – озьыен, кыдёкын ӧвӧл кин ке татын интыяськемын ини. Куинетӥ интые вуэм беразы, валаллям, татын луоз гурт кылдытон интызы шуыса: котыр нюлэс, нош со пыр пичи Варклед шур бызе (шурлэсь нимзэ, пе, бускель гуртысь бигеръёслэсь тодӥллям). Озьыен, Бодья воршуд нимез но шур нимез огазеяса, сётиллям гуртсылы ним – Варклед-Бодья. Пусйыны кулэ, гурт калык туннэ дырозь быгатӥз утьыны вашкала сям-йылолъёссэ но вашкала осконзэ.
Туннэ нуналэ Варклед-Бодья гурт сярысь таӵе информация сётыны луоз: гурт пыре Татарстанысь Агрызсь ёросысь Кучук сельской поселение. Лыдъяське 92 юртъер но 350 пала улӥсь, ваньмыз ик удмуртъёс. Гурт каклык ужа пудо-живот вордон-утялтон, дышетон но лулчеберет удысъёсын, муш вордо. Гуртын вань нылпи сад, покчиёзо школа, лулчебертъя юрт, лыдӟиськонни но фельдшерско-акушерской пункт.
