Эру карон
Эру карон – пиослэсь быдэ вуонзэс пусъён сям-йылол, кудӥз герӟаськемын гендерной аспектэн, ортче со Быдӟым нунал азьысь покчиарня нуналэ.
Вазь ӵукна ик пиос, тӧдьы дэра азькышет керттыса, кутско ветлыны гуртысь коркаостӥ, ӝук пӧзьтыны таӵе сиён-юон бичало: кеньыр, курегпуз, вӧй но сӥль. Парсь но курег сӥлез нимаз бичало, малы ке шуоно та пудо-животъёслэсь пӧзьтэм ӝук вӧсяны уг кутӥськы, соин ик сое пӧзьто нимаз пуртыын. Озьы пиос быдэс гурттӥ ветло, вань сиён-юонэз нимаз ведраосы бичаса. Собере, вӧсяськон интые мыныса, пӧзьто ӝук кык пуртыын: одӥгаз – вӧсяны, мукетаз – ӧвӧл. Озьы ик, куролэсь лэсьтӥсько: «шалаш» лэсьто на, кудаз возё бичам сиён-юонэз.
Пиослэн гуртэт вӧсяськыны сиён-юон бичамзы
Егит пиосын бичам сиён-юон
Быдэ вуэм пиос ӝук позьто
Ӝытазе вӧсяськон интые люкасько вань воргоронъёс но пиос, верамы ини, нылкышноослы татчы ветлыны уг яра.
Нырысь ик ваньмыз ӵош вӧсясько но ӝук сиё (радлыкез сыӵе ик, кыӵе Гершыд дыръя вӧсяськонлэн но Акашкалэн). Ваньмыз бырем бере, егит пиос ӝуато лэсьтэм «шалашсэс» (азьвыл отысь ӝук пӧзьтонлэсь кылем сиён-юонъёссэс), урамтӥ порох пуштытъяса ветло, тачыра бергато, котькуд семья аслаз корка пушказ, гур дураз сутэ кылем арын корка тырем сусыпу вайёсты.
Шуо, тыл, зол ӵын, бадӟым куара урод кужемез, эзелез, кыж-мыжез курдатэ но улля шуыса.
Урод кужемез, эзелез, кыж-мыжез
кышкатон но уллян
Н. Анисимовен но Е. Тулузэн лэсьтэм фильм. Акашка но Эрукарон, 2017
