Ю-вӧсь

А. Барыкин режисёрлэн Варклад-Бодьяысь куд-ог гурт сям-йылолъсын фильмез

(Ю-вӧсь вӧсян 1.48 - 7.35 минутъёсаз)

Ю-вӧсь вӧсян нуналэ нырысь котькуд семья вӧсяське вылэм покчи куалаын, собере, лымшор вакытэ, Быдӟым куалаын, ӝытпал ини мыно вылэм вӧсяськыны ӟег кизем бусые. 

Гуртоос сьӧразы куто нянь, курегпуз но сылал. Та ужрадэ озьы ик вӧсясь бырйиське. Вӧсяськонлэн радлыкез сыӵе ик, кыӵе Гершыд вӧсяськонъёслэн. Аспӧртэмлыкез луэ – нокыӵе пӧсь сиён уг пӧзьто. Курбон татын луэ курегпуз – Музъем анайлы, пе.

Туннэ нуналлы ю-вӧсь вӧсянлэн 2 интыез быремын шуыны луоз коллективизация кутскем бере. Азьло лымы улэ кизем куинь бусы вылын вӧсясько вылэм. Собере колхозъёс бадӟым интыосын бусыосыз кизьыны кутскиллям, нош вӧсяськон интыос кизем бусылэсь паланэ кылиллям. 

Али вӧсясько Ю-вӧсь интыысь одӥгаз, ортче со Мушдор палан. Гурт калык сьӧраз вае ётӥн ӵушконэ бинялтыса нянь но вӧй. Вӧсясьёс "вылэ мычем" пукто. Вӧсясьёсын ӵош гурткалык вӧсяське. Собре "вылэ мычемез" васькытыса, кӧня ке нянь турыжез со вылэ зырем нянень  ӵош кушто тыласькеме. Таиз - Инмарлы курбон. 

Нянь турыж вандон, со вылэ вӧй зырон но "вылэ мычыны" тусьтые тырон

"Вылэ мычемысь" нянь турыжез тылатон.
Инмарлы курбон